ක්‍රිස්බ්‍රෝ නෙක්ස්ට් චෑම්ප්
මීටර් 800 සහ 1500 ඉසව් දෙකෙන්ම නව තරග වාර්තා තියන්න පුළුවන් වුණා – ගිහාන් තෙන්නකෝන්
October 28, 2019

ඔබ අද කරන දේ ඔබගේ අනාගත ජයග්‍රහණයන් සදහා නිසැක වශයෙන්ම බලපානවා මෙය ක්‍රීඩාවේදීද එසේමයි එම නිසයි අපි අද දවසේ සිටින යොවුන් ක්‍රීඩකයින් ගැන කතා කරන්නේ මොකද ඔවුන් තමයි අනාගත ජයග්‍රහණ ලබාදෙන ක්‍රීඩක ක්‍රීඩිකාවන් බවට පත්වෙන්නේ.අපි මේ සුදානම් වන්නේ එලෙස අනාගත ජයග්‍රහණ ලබාදිය හැකි ක්‍රීඩකයෙක් ඔබ වෙත ඉදිරිපත් කරන්නයි.

ඔබේ නම
මගේ නම තාරක ගිහාන් තෙන්නකෝන්

ඔබේ පාසැල
මම රණබිම රාජකීය විද්‍යාලයේ 12 වන ශ්‍රේණියේ වාණිජ අංශයෙන් අධ්‍යාපනය හදාරනවා.

“අධ්‍යාපනය මෙන්ම ක්‍රීඩා ජිවිතයද ජයග්‍රහණය කරන්න ඔහුට ශක්තිය තියෙනවා” රණබිම රාජකීය විද්‍යාලයේ ගරු විදුහල්පති ඩී .යූ චන්ද්‍රකුමාර මහතා

පදිංචිව සිටින්නේ
මම ඉන්නේ මහකන්ද ප්‍රදේශයේ.

ඔබ ක්‍රීඩා කරන ඉසව් ගැන සදහන් කලොත්
මම මීටර් 800 සහ 1500 ඉසව් වලට සහභාගිවනවා.

“උදේ 6ට පුහුණුවීම් පටන් අරන් 7.30 වෙද්දී මොහුව පාසලට පිටත් කරනවා” – පුහුණුකරු එම්.ජී අනිල් මහතා

මෙතෙක් කල් ලබාගත්ත ජයග්‍රහණ ගැන කතා කලොත්
ජාතික කනිෂ්ට මලල ක්‍රීඩා තරගාවලියේ 18න පහල මීටර් 2000 බාධක දිවීම තරගයෙන් දෙවන ස්ථානය ලබාගත්තා
ශ්‍රීමත් ජෝන් ටාබට් ජ්‍යෙෂ්ට මලල ක්‍රීඩා තරගාවලියේ 18න පහල මීටර් 2000 බාධක දිවීම තරගයෙන් දෙවන ස්ථානය ලබාගත්තා
2019 මධ්‍යම පළාත් මලල ක්‍රීඩා තරගාවලියේ මීටර් 800 ඉසව්ව විනාඩි1යි තප්පර 56.06 ක කාලයක් වාර්තා කරලා නව තරග වාර්තාවක් පිහිටෙව්වා
ඒ වගේම මීටර් 1500ය තරගයේත් විනාඩි 4යි තප්පර 13.03ක කාලයක් වාර්තා කරලා නව තරග වාර්තාවක් පිහිටෙව්වා

ඔබගේ පවුලේ විස්තර
මගේ අම්මා තාත්තා ඒ වගේම අක්කා කෙනෙක් ඉන්නවා ඔවුන් මට ගොඩක් උදව් කරනවා ඒ වගේම ඉස්කෝලේ යාලුවෝ, විදුහල්පතිතුමා ඇතුළු ආචාර්ය මණ්ඩලය සහ අපේ ආදී ශිෂ්‍යයින්ගෙන් ගොඩක් උදව් ලැබෙනවා.

“මගේ දරුවා මේ තත්වෙට ගෙනාපු සේරම දෙනාට මගේ හෘදයාංගම ස්තූතිය පුද කරනවා”- මව චම්පා දර්ශනී පෙරේරා

මේ අවස්ථාව ගැන මොකද හිතෙන්නේ
මෙවර නෙක්ස්ට් චෑම්ප් විදියට තෝරා ගත්තට ක්‍රිස්බ්‍රෝ ආයතනයට බොහොම ස්තුතියි මගේ අනාගත බලාපොරොත්තුව මීටර් 800 ඉසව්වෙන් ශ්‍රී ලංකාවට ඔලිම්පික් රන් පදක්කමක් ලබාදීමයි.

Read More
රත්නපුර සීවලී මාධ්‍ය විද්‍යාලයේ කඩුලු පනින ක්‍රීඩක කනිෂ්ක සදරුවන් සිරිවර්ධන
October 10, 2019

අනාගත ක්‍රීඩා ලොව ජය ගන්නා අපේ රටේ දක්ෂ තරුණ ක්‍රීඩක ක්‍රීඩිකාවන් ඉස්මතුකොට ඔවුනට අත හිත හිත දෙමින් මාධ්‍ය ඔස්සේ ඔවුන්ව අනාවරණය කරමින් දේශීය ශුරයන් ගේ අත්දැකීම් අදහස් ගෙන ගෙන එමින් ක්‍රිස්බ්රෝ නෙක්ස්ට් චැම්ප් කරන්නා වූ සමාජ සත්කාරය ඔස්සේ මෙවර අප හඳුන්වා දෙන්නේ රත්නපුර සීවලී මාධ්‍ය විද්‍යාලයේ කනිෂ්ක සදරුවන් සිරිවර්ධන ශිෂ්‍යයයි.

ඔබගේ නම?
මගේ නම කනිෂ්ක සදරුවන් සිරිවර්ධන

ඔබගේ පාසල?
මම ඉගෙනුම ලබන්නේ රත්නපුර සීවලී මාධ්‍ය විද්‍යාලයේ, ලබන වසරේ අපොස සාමාන්‍ය පෙළ විභාගයට මුහුණදීමට බලාපොරොත්තුවෙන් සිටිනවා

ඔබ මොන ක්‍රීඩා ඉසව්වෙන්ද දස්කම් දක්වන්නේ?
මීටර් 100 කඩුලු මතින් දිවීම

අද වෙනකොට ලබාගත්ත ජයග්‍රහණ ගැන සදහන් කලොත්
මම 2017 වසරේ ජූනියර් ජෝන් ටාබට් තරගාවලියේ වාර්තාව සම කළා
2017 ජූනියර් national championship එකේ තුන්වන ස්ථානය ලබාගත්තා
2018 ජ්‍යෙෂ්ට ජෝන් ජෝන් ටාබට් තරගාවලියේ දෙවන ස්ථානය ලබාගත්තා
මම All Island හතරවන ස්ථානය ලබාගෙන තියෙනවා

ඔබ ක්‍රීඩාවට පිවිසුනේ?
මීටර් 100 කඩුලු මතින් දිවීම ඉසව්වට සහභාගී වුනේ 2016 වසරේ ඉදන්, මම 5 වසරේ ඉදන්ම ක්‍රීඩා කරනවා

විශේෂයෙන් ස්තුතිය පුදකළ යුතු අය ගැන සටහනක් කලොත්
මුලින්ම ස්තුතිවන්ත වෙන්න ඕනේ මගේ ගුරුවරයා වන ඉන්දික ජයසිංහ සර්ට සර් හින්දා තමයි මම මේ වගේ තැනකට ඇවිල්ලා ඉන්නේ ඒ වගේම අපේ ස්කොලේ ක්‍රීඩා අංශය භාරව ඉන්න මේධනී මිස්, දම්මි මිස් ,හේමන්ත සර්, නිලාන් සර්, t m සර් විකුම් සර් ඇතුළු අලුතෙන් ඇවිල්ලා ඉන්න සියලුම ගුරුවරු ඒ වගේම අපේ විදුහල්පතිතුමා ඇතුළු නියෝජ්‍ය විදුහල්පතිවරුන් මට ගොඩාක් උදව් කළා

ඒ වගේම මෙවර මාව නෙක්ස්ට් චෑම්ප් විදියට තෝරගත්තට ක්‍රිස්බ්‍රෝ ආයතනයට බෙහෙවින්ම ස්තුතිවන්ත වෙනවා.

අනාගත බලාපොරොත්තු
මගේ අනාගත බලාපොරොත්තුව මීටර් 100 කඩුලු මතින් දිවීමේ ඉසව්වෙන් ඔලිම්පික් රන් පදක්කමක් ලංකාවට අරන් දෙන එක.

Read More
අවුරුදු 24ක් පරණ වාර්තාවක් කඩලා මගේ වාර්තාවක් තිබ්බා – සෙතුමි දහම්සා, රත්නපුර
September 5, 2019

ශ්‍රී ලංකාවේ ක්‍රීඩා ක්ෂේස්ත්‍රයේ  අනාගතය ජයග්‍රහණ රැදිලා  තියෙන්නේත් අපේ කනිෂ්ට ක්‍රීඩක ක්‍රීඩිකාවන් අතේ, ඉතින් ඔවුන්ගෙන් නිවැරදි ප්‍රයෝජන ලබගන්නටනම් වග කිවයුත්තන්ගේ මෙන්ම සමාජ අවධානයද ඔවුන් වෙත ලබාදිය යුතුයි, Crysbro Next Champ අපගේ නිෂ්පාදන කණ්ඩායමේ අරමුණ වන්නේද එයයි, ඉතින් දක්ෂයන් සොයායන ගමනේදී රත්නපුර දිස්ත්‍රික්කයෙන් අපට හමුවුන දක්ෂයා ගැනයි මේ සටහන

ඔබගේ නම?
මම සේතුමි  දහම්සා කහංගම

ඔබගේ පාසල?
මම රත්නපුර සුමන බාලිකා විද්‍යාලයේ ඉංග්‍රීසි මාධ්‍යයෙන් 10 වන ශ්‍රේණියේ ඉගෙනුම ලබනවා, ලබන වසරේ අ.පො.ස සාමාන්‍යපෙළ විභාගයට මුහුණදීමට බලාපොරොත්තුවෙන් සිටිනවා.

පදිංචිව සිටින්නේ?
දැනට පදිංචිව සිටින්නේ නිවිතිගල

ඔබගේ පවුල ගැන පොඩි විස්තරයක් කලොත් 
මගේ ගෙදර මමයි අප්පච්චියි අම්මයි මල්ලියි ඉන්නේ, අප්පච්චි තමයි මගේ ක්‍රීඩා ජීවිතයට ගොඩක් උදව් කරන්නේ මොකද එයත් ක්‍රීඩා කරපු කෙනෙක්, මගේ මල්ලි තාම ප්‍රාථමික අංශයේ ඉගෙනුම ලබන්නේ එයත් මේ වෙනකොට ක්‍රීඩාවට යොමුවෙලා ඉන්නවා.

ඔබ මොන ක්‍රීඩා ඉසව්වෙන්ද දස්කම් දක්වන්නේ? 
මගේ ප්‍රධානම මලල ක්‍රීඩා ඉසව්ව මීටර් 100 කඩුලු මතින් දිවීම

ඒ කියන්නේ ඔබ ක්‍රීඩාවට පිවිසුනේ කඩුලු මතින් දිවීමේ ඉසව්වෙන්?
නැහැ මම මුලින්ම කලේ කඩුලු මතින් දිවීමේ ඉසව්ව නෙමෙයි පොඩිකාලේ මීටර් 100 ඉසව් වලට සහභාගී වුණා ඊටපස්සේ මගේ ප්‍රධාන පුහුණුකරු B.R   පාලිත ගුරුතුමන් තමයි මාව කඩුලු මතින් දිවීමේ ඉසව්වට යොමුකළේ.

අද වෙනකොට ලබාගත්ත ජයග්‍රහණ ගැන සදහන් කලොත් 
විශේෂයෙන්ම 2017 සමස්ථ ලංකා මලල ක්‍රීඩා උළලේදී මීටර් 80 කඩුලුමතින් දිවීමේ ඉසව්වෙන් නව වාර්තාවක් සමග රන් පදක්කමකට හිමිකම් කිව්වා
ඒ වගේම එම වසරේ කනිෂ්ට ජෝන් ටාබට් ක්‍රීඩා උළලේදී මීටර් 80 කඩුලුමතින් දිවීමේ ඉසව්වෙන් අවුරුදු 24ක් පැරණි වාර්තාවක් බිදදමමින් මගේ නව වාර්තාවක් පිහිටවන්නත් හැකි වුණා
ඒ වගේම 2018 වසරේ කනිෂ්ට ජෝන් ටාබට් ක්‍රීඩා උළලේදී මීටර් 80 කඩුලුමතින් දිවීමේ ඉසව්වේ තරග වාර්තාව සමකිරීමට හැකි වුණා
ඒ වගේම 2018 සමස්ථ ලංකා  මීටර් 100 කඩුලුමතින් දිවීමේ ඉසව්වේ රන් පදක්කමත් දිනාගැනීමට හැකියාව ලැබුනා

Read More
සෙනසුරාදා ඉරිදා තමයි පන්ති යන්නේ ඉතුරු දවස් 5හම පුහුණුවීම් – පියුමි හශාරා දෙව්මිණි
July 22, 2019
2024ට 2028ට ඉන්දියාව පවා ක්‍රීඩකයන් තනද්දී අපි ඉන්නේ කොහෙද කියන කාරණාව පිලිබදව නැවත සිතන්නට අවස්ථාවක් උදාවෙලා තිබෙනවා විශේෂයෙන් එහෙම හිතෙන මිනිසුන් බිහිකරගැනීමේ අවස්ථාවක් පවතිනවා ඒ නිසා තමයි ක්‍රිස්බ්‍රෝ නෙක්ස්ට් චෑම්ප් සැමවිටම ඔබේ කය මනස ශක්තිමත් කරමින් ක්‍රීඩාවේ සංවර්ධනය සදහා සිදුවිය යුතු දේ ඔබට කියන්නේ ඒ විතරක් නෙමෙයි ක්‍රීඩාවේ අනාගත ජයග්‍රහණ ලබන තරු කවුදැයි ඔබට හදුන්වා දෙන්නේ

අතීත පරාජයන් කියන දේවල් අපිට වෙනස් කල හැකි දේවල් නොවේ හැබැයි මේ මොහොතේ උනන්දු උනොත් අපිට පුළුවන් ඒ අහිමි වෙච්ච ජයග්‍රහණ වෙනුවට අනාගතයේ හොද ජයග්‍රහණයන් ලබාගැනීමට සහ එම ජයග්‍රහණ වැඩි දියුණු කරගන්න. ඉතින් ඒ සේරටම කලින් ඔවුන් පිලිබදව තොරතුරු සමාජයට කියන්න ඕනේ ඒ හරහා ඔවුන් වෙත අවධානය යොමු කරවන්නට ඕනේ, මේ හදන්නේ ඔබේ අවධානය යොමු විය යුතු තවත් එක දක්ෂයෙක් පිලිබදව ඔබ වෙත තොරතුරු ගෙන ඒමටයි, ක්‍රිස්බ්‍රෝ නෙක්ස්ට් චෑම්ප් අපි ගියා ඒ දක්ෂය සොයාගෙන.

ඔබේ නම
මගේ නම පියුමි හශාර දෙව්මිණි

ඔබේ පාසල සහ වසර
මගේ පාසල හම්බන්තොට වීරකැටිය රාජපක්ෂ මාධ්‍ය විද්‍යාලය, මම ඉගෙනගන්නේ 9 වසරේ

ඔබ දක්ෂතා දක්වන ක්‍රීඩා ඉසව්ව
මන් කැමතිම ක්‍රීඩා ඉසව්ව උස පැනීම

ලබාගත්ත ජයග්‍රහණ පිලිබදව සදහන් කලොත්
මම ජෝන් ටාබට් සමස්තලංකා උසපැනීමේ ප්‍රථමස්ථානය
2018 දකුනුපලාත් උසපැනීම නව වාර්තාවක් සමගින් ප්‍රථමස්ථානය සහ එම වසරේ දක්ෂතම ක්‍රීඩිකාව

දක්ෂතා දක්වන වෙනත් තරග ඉසව්
දුර පැනීමේ ඉසව් වලටත් සහභාගිවෙනවා හැබැයි වැඩියෙන්ම කැමති උස පැනීමට

ඔබේ ක්‍රීඩා පුහුණුකරු
පාසලේ රණවීර මිස් තමයි මගේ පුහුණුකරු විදියට ඉන්නේ 2016 හය වසරෙදි පාසල් ක්‍රීඩා උත්සවයෙදි තමයි මට මිස්ව මුලින්ම හම්බ උනේ ස්කුල් මීට් එකේදී උසපැනීමට ආස හිතිලා තමයි මම මිස් ගාවට ගියේ. 2016 ඉදන් මම මිස් එක්ක දිගටම පුහුණුවීම් කරනවා.

අනාගත බලාපොරොත්තුව
අනාගතයේ කොහොමහරි ඔලිම්පික් පදක්කමක් ලංකාවට ගේන්න තමයි මම බලාපොරොත්තු වෙන්නේ.

Read More
මගේ අනාගත බලාපොරොත්තුව ලංකාවට ජාත්‍යන්තර ජයග්‍රහණයක් ලබාදීම – දිප්පිටිය රාජගිරි මහා විද්‍යාලයේ සදුනි රශ්මිකා
July 10, 2019

ශ්‍රී ලංකාවේ ජ්‍යෙෂ්ට මලල ක්‍රීඩාපිටිය කෙසේ වෙතත් කනිෂ්ට මලල ක්‍රීඩා පිටියටනම් විශිෂ්ටයන්ගෙන් අඩුවක් නැහැ මැතකදී පැවැත්වෙච්ච දකුණු ආසියානු කනිෂ්ට මලල ක්‍රීඩා උළෙලවල් වලදී ඒ වගේම ආසියානු කනිෂ්ට මලල ක්‍රීඩා උළෙලවල් වලදී මේ බව ඉතාමත්ම පැහැදිලිව ඔප්පු උනා නමුත් මේ කනිෂ්ට වයසේදී දක්ෂතා දක්වන ක්‍රීඩකයින් ජ්‍යෙෂ්ට මට්ටමට යද්දී අපිට මොවුන් රැකගන්න පුළුවන් වේවිද කියන එක අපට තියෙන ප්‍රශ්නයක්, මෙයට හේතුව ඔවුන්ට අවශ්‍ය ප්‍රමාණවත් අවධානය යොමු නොවීම කියලා ක්‍රිස්බ්‍රෝ අපි තේරුම් ගත්තා.

ඒ නිසයි අපි එවැනි අවධානයක් නොලැබෙන ක්‍රීඩක ක්‍රීඩිකාවන් සොයා යන මේ සමාජ සත්කාරයට යොමු වුනේ. ඉතින් අපි අද සුදානම් වෙන්නේ අරනායක ප්‍රදේශයේ එවැනි දක්ෂ ක්‍රීඩිකාවක් සොයයන්නයි.

ඔබේ නම
මගේ නම සදුනි රශ්මිකා

ඔබේ පාසල සහ වසර
මගේ පාසැල කෑගල්ල මාවනැල්ල දිප්පිටිය රාජගිරි මහා විද්‍යාලයේ 12 වසර කළා අංශයෙන් ඉගෙනුම ලබනවා

ඔබ දක්ෂතා දක්වන ක්‍රීඩා ඉසව්ව
මීටර් 400 ඉසව්ව

ලබාගත්ත ජයග්‍රහණ පිලිබදව සදහන් කලොත්
මම ක්‍රීඩාව ආරම්භ කලේ 8 වසරේදී , නිවාසාන්තර තරගවල ඉදන් පළාත්, ජාතික මට්ටම්වල තරගවලිවලින් ජයග්‍රහණ ලබාගෙන තියෙනවා, මම ජාතික යෞවන ක්‍රීඩා උළෙලේදී ජයග්‍රහණ දෙකක් ලබාගෙන තියෙනවා ඒ වගේම සබරගමු පළාත් මට්ටමේ ප්‍රථම ස්ථානයත් සමස්තලංකා පාසල් මට්ටමෙන් වර්ණ සහතිකත් ලබාගෙන තියෙනවා.

පාසලෙන් ලැබෙන සහයෝගය ගැන සදහන් කලොත්
මගේ පාසලේ ගුරු මණ්ඩලය ඇතුළු විදුහල්පතිතුමා මගේ ක්‍රීඩාවට සහ අධ්‍යාපන කටයුතු වලට ගොඩක් උදව් කරනවා ඔවුන්ව මේ අවස්ථාවේ විශේෂයෙන් මතක් කරනවා

පවුලේ විස්තර ගැන සදහනක් කරොත්
මගේ පවුලේ ඉන්නේ අම්මයි තාත්තයි මල්ලියි එයාලවත් මේ වෙලාවේ ආදරෙන් මතක් කරනවා ඔවුන්ගෙනුත් මට ලොකු සහයෝගයක් ලැබෙනවා.

මොනාද අනාගත බලාපොරොත්තු?
මුලින්ම මෙවර නෙක්ස්ට් චෑම්ප් වශයෙන් මාව තෝරගත්තට ක්‍රිස්බ්‍රෝ ආයතනයට බෙහෙවින් ස්තුතිවන්ත වෙනවා, මගේ අනාගත බලාපොරොත්තුව ලංකාවට ජාත්‍යන්තර ජයග්‍රහණයක් ලබාදීම.

Read More