ක්‍රීඩා වගතුග
ලංකාවෙන් ගිලිහිලා යන ජිම්නාස්ටික් ශූරයා රුචිර සංජන
February 23, 2020

“ඔබ දන්නවා ඇති අප යම් දෙයකට ලබා දිය යුතු නිසි වටිනාකම ලබා නොදුන්නහොත් අපි නොදැනුවත්වම අපෙන් ඒ දේ ගිලිහිලා යනවා.”

ඉතින් අද අපේ කතා බහ පෙළගැසෙන්නේ වගකිවයුතු බලධාරීන්ගේ අවිධිමත් ක්‍රියා කලාපය හේතුවෙන් ලංකාවෙන් ගිලිහිලා යන්න හදන ජිම්නාස්ටික් ජාතික ශූරයකු වන රුචිර සංජන සමගයි.

රුචිර, අපි අද කතාබහට මූලාරම්භයක් ලබා ගන්නේ ඔබ ගැන වගේම ඔබ ජිම්නාස්ටික් ක්‍රීඩාවට පලමු පියවර තබන්නේ කොහොමද කියන කාරණයත් සමගයි.

මගේ නම රුචිර සංජන ප්‍රනාන්දු. මගේ පාසල මීගමුව මාරිස්ටෙලා විද්‍යාලයයි.

ජිම්නාස්ටික් වලට මන් මුලින්ම යොමු වෙන්නේ අපේ තාත්තා නිසා. මම පොඩි කාලේ ටිකක් දගයි. ඉතින් පෙර පාසල් යන කාලෙම තාත්තා මාව මෙම ක්‍රීඩාවට යොමු කරා.

පත පොතේ අකුරට වගේම ජිම්නාස්ටික් ක්‍රීඩාවේ අකුර කරන්නත් ඔබ කුඩා කලම ආරම්භ කරා.මොනාද මෙම ක්‍රීඩාවෙන් ඔබ ලබා ගත් ජයග්‍රහණයන්?

මාරිස්ටෙලාව තුල ජිම්නාස්ටික් ක්‍රීඩාව තිබුණ නිසා මාව එම පාසලට ඇතුලත් කරා. එහිදී මම ජාතික පාසල් මට්ටමින්  ජයග්‍රහණ ලබා ගැනීමත් සමගම මම ජාතික මහා ක්‍රීඩා උළෙලට සහභාගී උනා.

එම ක්‍රීඩා උළෙලේ 2016,2017,2018 යන වර්ශ වල ජිම්නාස්ටික් ක්‍රීඩාවෙන් ජාතික ශූරයා බවට පත් වෙන්න මට හැකි වුණා.

ඒ වගේම 2016 දී නැම්බියාවේ දී පැවති පොදුරාජ්‍ය මණ්ඩලීය ක්‍රීඩා උළෙලේ දී හරස් දණ්ඩ ඉසව්වෙන් තුන්වන ස්ථානය මම ලබා ගත්තා.

එම පදක්කම ලබා ගැනීමෙන් පසු ඔබට ලංකාවෙන් ලැබුණු ප්‍රතිචාරය කොහොමද?

ඇත්තම කිව්වොත් ඉන් පසුව මට මෙම ක්‍රීඩාවෙන් ලංකාව තුල තැනක් නැතිව ගියා. මේ වර්ශයේත් පොදුරාජ්‍ය මණ්ඩලීය World Games පැවැත්වුණා.

එයට ලංකාවෙන සහභාගි උනේ එක් ක්‍රීඩිකාවක් පමණයි. මෙයට හේතුවක් විදියට මන් දකින්නෙ දැනට පවතින ජිම්නාස්ටික් ක්‍රීඩා සංගමයේ අභ්‍යන්තර ගැටලුවකාරී තත්වයයි.

ඔබ 2016 දී පොදුරාජ්‍ය මණ්ඩලීය තරග වලට සහභාගි වනවා. එහිදී ලබපු ජයග්‍රහණය ගැන ඔබට දැන්නේ කොහොමද?

තරගයට සහභාගි වනතුරුත් මම ජයග්‍රහණය බලාපොරොත්තුවෙන් නෙවේ සිටියේ. නමුත් අවසාන මොහොතේදී මම කරපු පුහුණුවීම් සමගම මන් මගේ උපරිම දක්ශතාවය දැක්වුවා. ඉතින් එම දක්ශතාවයට සුදුසු වටිනාකම ලැබුණා.

නමුත් ඒ පදක්කමට ලංකාවෙන් ලැබුණු දේ ගැන බලද්දී යම් කලකිරීමක් තිබෙනවා.

රුචිර ඔබ පවසන අන්දමට ඔබේ දක්ශතාවයට ඔබගේ ක්‍රීඩාවට හිමි විය යුතු තැන  ඔබට ලංකාවෙන් ලැබිලා නෑ. මේ හේතුව නිසා ඔබ යම් මානසික පසුබෑමකට ලක් වෙලා තිබෙනවා. එම මානසිකත්වයත් සමග කොහොමද ඔබ ඉදිරියට ඔබගේ ක්‍රීඩා කටයුතු කරගෙන යන්නේ?

ඔව්. මම දකින විදියට මෙවැනි තත්වයක් මත මට තවදුරටත් ලංකාව තුල මේ ක්‍රීඩාව කරන්න බැහැ.

පොදුරාජ්‍ය මණ්ඩලීය ක්‍රීඩා උලෙළට සහභාගි වෙලා මන් පදක්කම ගෙන  ආවට පසුවත් සැලකිය යුතු මට්ටමේ පුහුණුවක් නොලැබෙන නිසා මගේ තාත්තා මාව ඉතාලියේ පුහුණුවීම් වලට යොමු කරා.

මින් ඉදිරියටත් මන් බලාපොරොත්තු වන්නේ පිටරටකට ගිහින් පුහුණුවීම් ලබලා ලංකාව වෙනුවෙන් පදක්කමක් ගේන්න.

ඔබ සිතන අකාරයට ලංකාවෙන් කුමන කරුණු කාරණා සම්බන්ධව ද වගේම කුමන මට්ටමේ සහයෝගයක්ද ලැබිය යුත්තේ?

අපට පුහුණුවීම් සිදු කිරීමට පිටරටකින් පුහුණුකරුවෙකු ගෙන්වලා හෝ අපට යම් කිසි ශිෂ්‍යත්වයක් ලබා දුන්නොත් ලංකාව වෙනුවෙන් ජිම්නාස්ටික් ක්‍රීඩාවෙන් පදක්කමක් ගේනවා කියන එක තවත් පහසු වනවා.

සංජන ඔබ දන්නා පරිදි මෙම ක්‍රීඩාවෙන් දක්ශතා දක්වන තවත් ක්‍රීඩක ක්‍රීඩිකාවන් ඉන්නවාද ?

ඔව් බොහොමයක් දෙනා ඉන්නවා. ඒ සියලු දෙනාත් පත් වෙලා ඉන්නේ මන් ඉන්න තත්වයටමයි. මේ හේතුව නිසා ඉතා හොද ක්‍රීඩක ක්‍රීඩිකාවන්ගේ ඉදිරියට යාමේ අවස්ථාවයි ගිලිහී යන්නේ.

ඇත්ත වශයෙන්ම සදහන් කලොත් ජිම්නාස්ටික් ක්‍රීඩාව සදහා නිසි සංගමයක් ලංකාව තුල නැහැ. වගකිවයුතු බලධාරීන් විසින් විධිමත් ලෙස මෙම ක්‍රීඩාව සදහා සංගමයක් ආරම්භ කරලා පුහුණුකරුවන් ගෙන්වලා කටයුතු කරනවා නම් මා වැනිම තවත් ජාත්‍යන්තර
මට්ටමේ පදක්කම් වලට ලංකාවේ නම ලියන්න පුලුවන් ක්‍රීඩකයින් ඉන්නවා.

සංජන ජිම්නාස්ටික් ක්‍රීඩාවෙන් ඔබගේ අනාගත බලාපොරොත්තුව කුමක්ද?

කොහොම හරි පුහුණුවීම් සිදු කරලා ජාත්‍යන්තර මට්ටමේ තරගවලින් පදක්කමක් ගේන්න තමා බලාපොරොත්තුව .

හොදයිර, රුචිර මේ වන විට ඔබ ලංකාව තුල මෙන්ම ඉතාලිය තුල පුහුණුවීම් කටයුතු  සිදු කරලා තිබෙනවා. ඉතාලිය ගත් විට ජිම්නාස්ටික් ක්‍රීඩාවෙන් ඉහළ තලයේ සිටින රටක්. ඔබ මේ රටවල් දෙකෙහිදී පුහුණුකරුවන් තුල ක්‍රීඩකයින් තුල දකින වෙනස කොහොමද?

මෙහෙමයි අපේ රටට සාපේක්ෂව ඉතාලිය පහසුකම් අතින් සංවිධානාත්මකභාවය අතින් ඉතාම ඉහළයි. ඒ වගේම පුහුණුකරුවන්ගේ දැනුම මට්ටම ඉහළ නිසා ක්‍රීඩකයින් ද ඉතා හොද මට්ටමක ඉන්නවා.

සංජන ඔබ අද මේ තත්වෙට ඇවිත් තිබෙන්නේ විවිධ බාධකයන් මධ්‍යයේ.  ඉතින් මේ ගමන මෙතෙක් දුර ඒමට ඔබට අත හිත දුන් අය මතක් කරොත්,

මුලින්ම මගේ අම්මා,තාත්තා මතක් කරන්න ඕනි. ඒ වගේම මාව ඉතාලියට ගත්ත මගේ බාප්පාවත් මෙතෙක් කල් මාව මේ තත්වයට ගේන්න මාව පුහුණු කරපු පුහුණුකරුවන්වත් මතක් කර සිටින අතර ඔවුන් හට මාගේ ස්තූතිය ප්‍රකාශ කර සිටිනවා.

Read More
අප කල අනාවැකි යථාර්තයක් බවට පත් කල අපේ වීර දූ පුතුන්
January 14, 2020

ක්‍රිස්බ්‍රෝ next champ පසුගිය කාලය පුරාවට ම අප ගේ හඬ අවදි කළේ මෙරට සිටින දක්ෂ ක්‍රීඩක ක්‍රීඩිකාවන් ජාත්‍යන්තරය සහ ජාතික වශයෙන් ඔසවා තබන්නටයි සාක් කලාපීය ක්‍රීඩක ක්‍රීඩිකාවන්ගේ හැකියාව සහ දක්ෂතාවයන් උරගා  බලමින් පසු ගිය දිනක නේපාලයේ කත්මණ්ඩු නුවර පැවැත් වූ ක්‍රීඩා උළෙල අවසන් වූයේ ශ්‍රී ලංකාවේ ධජය මලල ක්‍රීඩා පිටියේ ඉහළින්ම ඔසවා තබමින් රන් පදක්කම් පහළොවක් අපගේ නම ඉදිරියෙන් සටහන් කර ගනිද්දී අප මේ සතුට ඔබත් සමග බෙදා ගැනීමට අමතක කළේ නැහැ මෙවර අප ගේ සිහිනය යථාර්තයක් බවට පත් කළ අපගේ දූ පුතුන් අනාගතයේ රන් අස්වනු නෙළා දෙන බවට අප විසින් අතීතයේ දී ඉඟි පළ කරා එම බලාපොරොත්තු වලට වටිනාකමක් ලැබෙන දිනක් පිළිබඳව අපි විශ්වාසයෙන් යුතු ව බලා සිටියා

අපි වළල ඒ රත්නායක විදුහලට පිය මැන්නේ අනාගතේ එලෙස දස්කම් දක්වාවියයි අප විසින් විශ්වාස කළ දිල්ශි  කුමාරතුංග නමැති එම සිසුවිය සොයා ගෙන ඔබට ඇය ගේ  ක්‍රීඩා ජීවිතය පිළිබඳව තොරතුරු ඉදිරිපත් කිරීමටයි මෙවර සාර්ක් ක්‍රීඩා උළෙලේ වැඩිපුරම කතා බහට ලක්වූයේ ඇයයි ඇය ආ ගමන් මග ගල් බොරළු කටු කොහොලු නොතිබුනා නොවෙයි එයින් ඇය තව තවත් පන්නරය ලැබුවා. ඇයගේ පසුපසින් ඇයට ශක්තියක් වන්නට හොඳ ගුරු පිරිසක් සිටියා වාගේ ම දෙමාපියන්ගේ ආශිර්වාදයත් ඇයට නොඅඩුව ම ලැබුණා අද ඇය එය අපේ රටේ අනාගතය  ලියන්නට ශක්තිමත් අඩිතාලමක් දමා ගෙන අවසන් එය අපට මහත් ආඩම්බරයක් පසුගිය දිනක ඇය ඇගේ නමට රන් පදක්කම් තුනක් ලියා ගත්තා.

ඒ වගේම මහනුවර ස්වර්ණපාලි බාලිකා විද්‍යාලයේ අමාෂා ද සිල්වා අපට මුණ ගැසෙන්නේ එදා පාසල් ඇඳුමෙන් බෝගම්බර ක්‍රීඩා පිටියේ දී අප ඇයත් සමග ද මෙම වැඩ සටහනේ කතාබහ කළා ඇයගේ පදක්කම් සිහිනය යථාර්ථයක් බවට පත් කර ගනිමින් මෙවර සාර්ක් ක්‍රීඩා උළෙලේදී මීටර සියය සහය දිවීමේ තරඟයෙන් රන් පදක්කමක් රට වෙනුවෙන් දිනා දුන් අතර මීටර් 100 සියය කේවල තරග ඉසව්වෙන් රිදී පදක්කම ද දිනා දීමට සමත් වුණා.

අරුණ දර්ශන පිළිබඳව ද අප කතා කළේ ඔහුගේ පාසැල් වියේදීමයි ඔහු මෙවර මීටර් 400 ඉසව්වේ රන් පදක්කම දිනා ගැනීමට සමත් වුණා ඒ තප්පර 46.79කින් තරගය නිම කරමින් ඒ වගේම මීටර් 400 සහය දිවීමේ රන් පදක්කම දිනා ගැනීමට ද අරුණ දර්ශන තම සහය දිවීමේ කණ්ඩායම ට විශාල ශක්තියක් වුණා. කන්තලේ සේරුනුවර ඉපදී ඉතාමත් දුෂ්කර ජීවිතයක් ගත කළ අරුණ දර්ශන පිළිබඳ ව එදා ඔහුගේ දෙමාපියන් සතුටු කඳුළු වගුරුවමින් අපත් සමඟ කතා කළා.

ක්‍රිස්බ්‍රෝ next champ එලෙස අනාවැකි පළ කල තවත් එක් ක්‍රීඩකයෙකු වූයේ මීගමුව මාරිස්ටෙලා විදුහලේ චානුක සන්දීප ක්‍රීඩකයා යි ඔහු මීටර් සීයය සහය දිවීමේ ඉසව්වෙන් අප රටට රන් පදක්කම ගෙන ආවේ අපගේ අනාවැකිය යථාර්ථයක් බවට පත් කරමින්.

ඒ වගේම බම්බලපිටිය ශාන්ත පීතර විද්‍යාලයේ අකලංක පීරිස් නැමති යොවුන් පිහිනුම් ශූරයා ද රිදී සහ ලෝකඩ  පදක්කම් දිනා ගත්තේ නැවත නැවතත් අප ගේ අනාවැකි නිවැරැදි බවට ඔප්පු කරමින්

අප මෙහි සඳහන් කළේ එදා අපි වැපිරූ සරු බීජයන් වල පල කිහිපයක් පමණයි අනාගතේ ඉතාමත් පැහැදිලි ජයග්‍රහණය ශක්තිය මතින් ගොඩ නැගීමටනම් අපට අවශ්‍ය වන්නේ  නිවැරදි දැක්මක් සහ අධිෂ්ඨානයක් පමණයි ඒ සඳහා Crysbro next champ ඔබත් සමග සෑම විටම අත්වැල් බැඳ ගන්නා බවට සඳහන් කරන්නේ නිහතමානි ආඩම්බරයෙනි. ඉතින් අපගේ වීරයන් ට Crysbro next champ උත්තමාචාරය.

Read More
මගේ රට වෙනුවෙන් කරන්න පුලූවන් උපරිමය කරන්වා – ඔමායා උද්‍යාංගනි
September 25, 2019

අවිවාදයෙන්ම ඇය ශ්‍රී ලංකාවේ අනාගත ඔලිම්පික් තරු පොකුරේ තාරකාවක් වන බව අපට විශ්වාසයි, ඇයගේ දක්ෂතා දැනටමත් එය සනාථ කර අවසන්, ක්‍රීඩාවට මෙන්ම ඉගෙනීමට එකසේ දක්ෂතා දක්වන ඇය ඔමායා උද්‍යාංගනි, මේ ඇය අප හා යෙදුන කෙටි පිලිසදරයි.

ඔබගේ නම
ඔමායා උද්‍යාංගනි

ඔබගේ පාසැල
වැලිමඩ මධ්‍ය මහා විද්‍යාලය

ඔබ දක්ෂතා දක්වන ක්‍රීඩා ඉසව්ව වන්නේ
මලල ක්‍රීඩා

ඔබගේ ක්‍රීඩා ජිවිතයට පාසලෙන් ලැබෙන සහය පිලිබදව සදහනක් කලොත්
ලොකු සහයෝගයක් ලැබනවා, පුහුණුකරු වන කුලතුංග සර්ගෙන් වගේම ක්‍රීඩා අංශයේ ආචාර්ය මණ්ඩලයේන්ද හොද මගපෙන්විමක් ලැබනවා, එ වගේම විදුහල්පතිතුමියගේත් , පාසලේ ආචාර්ය මණ්ඩලයේත්,පාසලේ ආදි ශිෂ්‍ය සංගමයෙනුත් මගේ ක්‍රීඩා ජීවිතයට ලොකු සහයෝගයක් ලැබනවා.

පදිංචිව සිටින්නේ?
අම්පාර ප්‍රදේශයේ

ඔබගේ පවුල ගැන පොඩි විස්තරයක් කලොත්
තාත්තා,අම්මා,අක්කා,නංගි,මල්ලිලා දෙන්නයි,තාත්තා තමයි මාව ක්‍රීඩාවට යොමුකළේ,එයාගේ ආසාව හින්දයි ක්‍රීඩාව තෝර ගත්තේ ,අම්මගෙන් ලොකු ආශිර්වාදයක් ලැබනවා මගේ ක්‍රීඩා ගමනට,ඒ වගේම අක්කත් මං වෙනුවෙන් ගොඩක් මහන්සි වෙනවා,නංගි ,මල්ලිලා දෙන්නගෙනුත් මට සහයෝගය ලැබනවා

අද වෙනකොට ලබාගත්ත ජයග්‍රහණ ගැන සදහන් කලොත්
# 12 වන දකුණු ආසියානු ක්‍රීඩා උලෙළ 2016 (ඉන්දියාව)
• 4*400m දෙවෙන ස්ථානය
• 400m තෙවන ස්ථානය

# 17 වන ආසියානු කණිෂ්ඨ ක්‍රීඩා උලෙළ 2016 (වියට්නාමය)
• 400m හයවන ස්ථානය

# දෙවෙන ආසියානු පාසල් ක්‍රීඩා උලෙළ 2015 (චීනය)
• 400m දෙවෙන ස්ථානය
• මිශ්‍ර සහය දිවිම දෙවෙන ස්ථානය
• කාන්තා කණ්ඩායම තෙවන ස්ථානය

# ජාතික කණිෂ්ඨ වාර්තාව 400m බාලිකා තත්පර 54.51(2015). (මේවන විට වාර්තාව අලුත් කර ඇත)

# සමස්ත ලංකා පාසල් ක්‍රීඩා උලෙළ 2015
• 400m නව තරග වාර්තාවක් පිහිටුවීම,

# ජොන් ටාර්බට් ක්‍රීඩා උලෙළ 2015
• 400m හොදම කාලයට හිමි සම්මානය ලැබීම,

# ජොන් ටාර්බට් ක්‍රීඩා උලෙළ 2014
• 400m නව තරග වාර්තාවක් පිහිටුවීම,

# ජාතික මහා ක්‍රීඩා උලෙළ 2017
• 200m දෙවෙන ස්ථානය
• 400m තෙවන ස්ථානය

# ජාතික යෞවන ක්‍රීඩා 2017
• 400m ප්‍රථම ස්ථානය
• 200m දෙවෙන ස්ථානය
• 100m දෙවෙන ස්ථානය

# ජාතික මහා ක්‍රීඩා උලෙළ 2016
• 400m තෙවන ස්ථානය
• 4*100m තෙවන ස්ථානය

# 93 වන ජාතික ක්‍රීඩා 2015
• 200m තෙවන ස්ථානය

ඔලිම්පික් යන්න හම්බුනොත් මොකද කරන්නේ
මගේ රට වෙනුවෙන් කරන්න පුලූවන් උපරිමය කරන්වා,පුලුවන් උපරිම තරගයක් ලබාදීමට මහන්සි වෙන්වා.

ක්‍රීඩා කරනකොට තියෙන ගැටළු මොනාද?
ක්‍රීඩා පිට්ටනියේ ගැටලු තියෙනව, පුහුණුවීම් කිරිමට අපහසු මට්ටමේ පවතින්නේ .

මොනවද අනාගත බලාපොරොත්තු?
ක්‍රීඩාව වගේම අධ්‍යාපනයෙනුත් ඉහළට යන්න.

ඔමායා ඔබේ ක්‍රීඩා ජීවිතයටත් අධ්‍යාපන ගමනටත් ක්‍රිස්බ්‍රෝ අපි එකසේ සුභපතනවා, ඔබේ අනාගත බලාපොරොත්තු එලෙසම ඉටුවේවායි යන්න අපගේ පැතුමයි. ඔබට ජය

Read More
උස පැනීමේ ඉසව්වෙන් ශ්‍රී ලංකාවට ඔලිම්පික් බලාපොරොත්තුවක් – තරිදු දසුන්
September 23, 2019

මේ උස පැනීමේ ඉසව්වෙන් ශ්‍රී ලංකාවට ඔලිම්පික් බලාපොරොත්තුවක් තබාගත හැකි තවත් එක දක්ෂ ක්‍රීඩකයෙන් ඔහු නමින් තරිදු දසුන්, අපි ඔහුත් සමග කල කෙටි පිලිසදරයි මේ…

ඔබගේ නම
S.A.තරිදු දසුන්

ඔබ දක්ෂතා දක්වන ක්‍රීඩා ඉසව්ව වන්නේ
උස පැනීමේ ඉසව්ව

ඔබගේ පාසැල
ගාල්ල මහින්ද විද්‍යාලය

ඔබගේ ක්‍රීඩා ජිවිතයට පාසලෙන් ලැබෙන සහය පිලිබදව සදහනක් කලොත්
ක්‍රීඩාවෙන් ඉදිරියට යන්න හැම පහසුකමක්ම මට පාසලෙන් (ගාල්ල මහින්ද විද්‍යාලය) ලැබෙනවා.

පදිංචිව සිටින්නේ?
ගාල්ල, ඉමදුව ප්‍රදේශයේ

ඔබගේ පවුල ගැන පොඩි විස්තරයක් කලොත්
මට ඉන්නේ අම්මා, තාත්තා,මල්ලි,

අද වෙනකොට ලබාගත්ත ජයග්‍රහණ ගැන සදහන් කලොත්
2018 ශ්‍රී ලංකාවෙ පැවති තුන්වන දකුනු ආසියා කනිෂ්ඨ මලල ක්‍රීඩා උලලේ උස පැනීම රන් පදක්කම.
2018 ජපනයේ පැවති 18 වන ආසීයානු කනිෂ්ඨ මලල ක්‍රීඩා උලලේ උස පැනීම 8 වන ස්තානය.
2018 මාතර දී පැවති ජාතික යෞවන ක්‍රීඩා උලලේ උස පැනීම ප්‍රථම ස්ථානය සහ නව තරග වාර්තාව (2.12m)

ක්‍රීඩා කරනකොට තියෙන ගැටළු මොනාද?
දැනටනම් එහෙම ගැටලුවක් නම් නෑ. අවශ්‍ය හැම පහසුකමක්ම ලැබෙනවා

ඔලිම්පික් යන්න හම්බුනොත් මොකද කරන්නේ
උපරිම දක්ශතාවය දක්වල පදක්කමක් ලබා ගැනීම තමයි

මොනවද අනාගත බලාපොරොත්තු
ක්‍රීඩාවෙන් යන්න පුලුවන් ඉහලටම ගිහින් අබිමානවත් ශ්‍රී ලාංකිකයෙක් වීම.

තරිදු දසුන් ඔබගේ අනාගත ක්‍රීඩා ජිවිතයට ක්‍රිස්බ්‍රෝ අපගේ උණුසුම් සුභපැතුම්

Read More
Categories
Latest Posts