චැම්ප් කෙනෙක් එක්ක චැට් එකක්
පාසල් තරගයේදී මගේ අයියව මම පරාජය කළා එයාගේ ක්‍රීඩා ජිවිතයෙන් එයා එදාම සමුගත්තා
June 29, 2020

නිශාන් අපි මුලින්ම ඔබගේ ක්‍රීඩාවට අත්පොත් තැබුවේ කොහොමද කියන කාරණයත් සමග පටන්ගමු .

මම ක්‍රීඩකයකු විදියට ක්‍රීඩාවට අවතීර්ණ වන්නේඅනුරාධපුර දිස්ත්‍රික්කයේ මිහින්තලේ ප්‍රදේශයේ මහාකනදරාව යන පාසලෙන්.

මුලින්ම මම වයස අවුරුදු 11න් පහල දී 75මී ධාවන තරගයට සහභාගී වෙලා ජයග්‍රහණය ලබනවා. ඉන් පසුව කෙමෙන් කෙමෙන් දුර ධාවනයට යොමු වනවා. වයස අවුරුදු 17න් පහල දී උතුරු මැද පලාත් තරගය 1500මී ඉසව්වෙන් ජයග්‍රහණය කරනවා.

ක්‍රීඩාවේ දිගු ගමන මන් ආරම්භ කරන්නෙ පොලිස් විශේෂ කාර්යය බලකායට සම්බන්ධ විමත් සමගයි.

පාසල් වියේදී එනම් 2007 වසරේදී ජාතික මහා ක්‍රීඩා උලෙළේ මැරතන් ධාවන තරගයේ ශූරතාව ලබා ගන්නවා.

ඔබට මෙම ක්‍රීඩා හැකියාව ලැබෙන්නේ පියාගේ ක්‍රීඩා ආභාශයත් සමග. ඔබගේ පියත් ජාතික මට්ටමේ ක්‍රීඩා ශූරයෙක්. ඒ පිළිබඳව මතක් කලොත් යමක්

මට කලින් මගේ සහෝදරී වගේම සහෝදරයත් ක්‍රීඩාවේ නිරත වනවා වගේම ජයග්‍රහණ ලබා ගන්නවා. අපේ නිවසේ සිට ගේට්ටුව ලගට 75මී ක ධාවන පථයක් තාත්තා හදලා තිබුණා. තාත්තා ඒකේ අයියා අක්කාව දුවවනවා. එත්නින් තමා මමත් මෙම ක්‍රීඩාවට ආසා කරන්නෙ.

මෙම ක්‍රීඩාව තුල මට අමතක නොවන සිදුවීමක් තියෙනවා මගේ සහෝදරයත් සමග. ඒ පාසලේ ආදි ශිෂ්‍ය සංගමේ ක්‍රීඩා උළෙලේ දී  අයියටයි මටයි එකම වයස් කාණ්ඩයෙන් 200×4 මී සහය දිවීමේ ඉසව්වට එකම ස්ථානයේ batton දෙක අරන දුවන්න යෙදෙනවා. එදින මන් අයියාව පරාජය කරනවා. ඒ අවස්ථාවෙන් පසුව අයියා ක්‍රීඩාවෙන් සමු ගන්නවා.

ඔබ මුලින්ම ජයග්‍රහණ ලබා ගන්නේ දුර ධාවන තරග ඉසව් වලින්. නමුත් පොලිස් විශේෂ කාර්යය බලකායට බැදීමත් සමග ඔබ මැදි දුර ධාවන තරග වලට යොමු වන්වා. එයට හේතුව කුමක්ද ?

මුල්ම අවධියේදී පියාගේ උපදෙස් අනුව දුර ධාවන තරග වල නිරත වන්නේ. පොලිස් විශේෂ කාර්යය බලකායට සම්බන්ධ වූවාට පසු මගේ ක්‍රීඩා ඉරියව්ව මගේ ක්‍රීඩා රිද්මය අනුව මට සුදුසු වන්නේ මැදි දුර ධාවන තරග කියන දේ මාගේ පුහුණුකරු ලෙස කටයුතු කරපු පොලිස් සැරයන් තුෂාර මහතා තීරණය කරනවා. ඒ අනුව මම 400මී හා 400මී කඩුලු පැණීම යන ඉසව් වලට යොමු වනවා.

ඔබගේ ක්‍රීඩා දිවියේ අවසාන බලාපොරොත්තුව කුමක්ද ?

මං හිතන්නේ ඕනෑම ක්‍රීඩාවක නිරත වන ඕනෑම ක්‍රීඩකයකුගේ බලාපොරොත්තුව ලෝක මට්ටමේ තරගාවලියකට සම්බන්ධ වීම. ආසියානු මට්ටමින් නොනැනවතී ඔලිම්පික් දක්වා යාම තමා බලාපොරොත්තුව.

එලෙසම මම දෙසැම්බර් මාසයේ පැවත්වෙන ප්‍රවීණයන්ගේ මලල ක්‍රීඩා උළෙලට සුදුසුකම් ලබලා තිබෙනවා. 2020දී කැනඩාවේ දී පැවැත්වෙන ලෝක ප්‍රවීණයන්ගේ තරගාවලියෙන් ජයග්‍රහණය ලබා ගැනීම තමා බලාපොරොත්තුව.

තවත් මගේ බලාපොරොත්තුව වශයෙන් තිබෙන කාරණයක් තමා මගෙන් පසු ක්‍රීඩ්කයකු බිහි කරන එක. මන් උගත් දේ නවකයින්ට ලබා දෙන එක..

ඔබට ක්‍රීඩාවෙන් මෙපමණ දුරක් එන්න. සහයෝගය දක්වපු අය මතක් කරමු අවසාන වශයෙන්..
මම පොලිස් විශේෂ කාර්යය බලකායට සම්බන්ධ වන්නේ 2007දී. එතැන් පටන් මේ දක්වා පොලිස් විශේෂ කාර්යය බලකාය මේ ජාත්‍යන්තර මට්ටමේ ජයග්‍රහණ දක්වා මාව යොමු කරන්නේ.  ඉතින් මන් ස්තූතිවන්ත වනවා දැනට අපගේ අණදෙන නිලධාරී ලෙස කටයුතු කරන ජ්‍යෙෂ්ඨ නියේජ්‍ය පොලිස්පති ලතීෂ් මහතාට. එලෙසම කටකුරුන්ද පුහුණු පාසලේ අධ්‍යක්ෂතුමා ඇතුලු කාර්ය මණ්ඩලයටත්,මාගේ ආදරණීය බිරිඳ ,මාගේ දෙමාපියන් හා මාගේ බිරිඳගේ දෙමාපියන් යන සියලු දෙනා මා සමග මේ දක්වා උදව් කරපු අයයි. මාගේ ස්තූතිය ඔවුන්ට මේ අවස්ථාවේ පුද කරන්න කැමතියි.

Read More
ක්‍රීඩාවෙන් බැසගිය අපේ ක්‍රීඩා තාරකාවිය.
March 23, 2020

ජීවිතේ ඇතම් තීන්දු තීරණ වලට අපට එරෙහි විය නොහැකි අවස්ථා තිබෙනවා. එවැනි හේතුවක් නිසා ලංකාවට අහිමි වූ ක්‍රීඩිකාව, ඇය සමන්මලී කොටදෙණිය. 

ඔබ ක්‍රීඩාවට අවතීර්ණය කෙසේද ?
අපේ කාල වල පැවතුනේ දිස්ත්‍රික්ක මට්ටමේ තරගාවලි. එහිදී වයස අවුරුදු 11න් පහළ දුර පැනීමේ ඉසව්වෙන් මම පලමු ස්ථානය ලබා ගැනීමත් සමග තමා ක්‍රීඩාවට අවතීර්ණය වුණේ.

බොහෝ ක්‍රීඩකයින්ගේ දක්ශතාවය හදුනා ගන්නේ ඔවුන්ගේ පුහුණුකරු විසින්. පුහුණුවීම් කරලා තමා ඔවුන් ක්‍රීඩාව ප්‍රගුණ  කරන්නේ.එලෙසම තවත් ක්‍රීඩකයින් පිරිසක් ඉන්නවා උපතින්ම ජාන මට්ටමින් හැකියාව පිහිටලා තියෙන අය. ඔබ මේ අතරින් කොහොම කෙනෙක් ද?

මම හිතන්නේ මට මේ හැකියාව ලැබෙන්නේ මගේ මවගෙන්. මගේ මව මලල ක්‍රිඩාව තුල නිරත නොවුනත් ඇය දක්ශ දැල්පන්දු ක්‍රීඩිකාවක්.ඇය තමා මාව ක්‍රීඩාවට  යොමු කලේ සහ මාව ක්‍රීඩා අමාත්‍යාංශයට රැගෙන ගොස් මාව දිරිගැන්වුයේ මුලින්ම අම්මා.

ඔබගේ පුහුණුකරුවන් ලෙස කටයුතු කරේ කව්ද ?

මගේ මුල්ම පුහුණුකරු වුණේ යෝගානන්ද සර්.  ඔහුගෙන් පසු මගේ පුහුණුකරු ලෙස එස්.එම්. ජී බණ්ඩාර සර්.  බණ්ඩාර සර් මට විශාල සයෝගයක් ලබා දුන්නා වගේම මාව යම් තත්වෙකට ගෙනාවේ බණ්ඩාර සර්.

ඉන් පසුව මම මර්වින් පෙරේරා සර් ලග පුහුණුවීම් වලට යොමු වෙනවා. ඔහු සමග පුහුණුව ලබ කාලයේ තමා මම සාක් ක්‍රීඩා උළෙලට සහභාගි වන්නේ.

පාසල් වයසේදීම ඔබ දකුණු ආසියානු තරගාවලියට දායක වනවා. මේ පිලිබඳ මතකය අවදි කලොත්?

ඔව් 1989 පකිස්ථානයේ ඉස්ලාම්බාද් නුවර තමා තරගාවලිය පැවැත්වුණේ. එහිදී සහය දිවිමේ ඉසව්වෙන් රිදී පදක්කම ලංකාවට ගෙනාව අපි.  මෙය තමා මගේ පළමු ජාත්‍යන්තර අත්දැකීම. එවිට මට වයස අවුරුදු 18යි. මා සමග සහය දිවීමේ ඉසව්ව නියෝජනය කරේ ජයනි නිලේපෙරුම, නිල්මා පීටර්සන් සහ ඉනේකා කුරේ.

ඔබතුමිය 100මී ඉසව්වෙන් පාසල් කාලයේදීම 12.1වැනි ඉතා හොද කාලයක් වාර්තා කරනවා. මෙවැනි මට්ටමක සිටියදී වයස අවුරුදු 19න් ක්‍රීඩාවට සමුදීම පිළිබඳව දැනෙන්නේ කොහොමද ?

එය විශාල අපරාදයක් කියලා දැනෙනවා. හිතෙනවා සහ අදටත් මම පසුතැවෙනවා ඒ තීරණය පිළිබඳව. නමුත් මගේ දෙමාපියන්ට විරුද්ධ වීමට තරම් ශක්තියක් මට තිබ්බේ නෑ. උසස්පෙළ කරන්න අවශ්‍ය නෑ මට මගේ ක්‍රීඩාවෙන් ඉස්සරහට යන්න ඕනි කියලා කියන්න
මට ශක්තිය තිබ්බේ නෑ. ඉතින් ඔවුන් දැන් ඇති කිව්වාම මම නතර වුණා.

මගේ පුහුණුකරු වන මර්වින් සර්ගේ බිරිඳ මට මුණගැසෙනවා. ඇය අදටත් පවසන්නේ මම ක්‍රීඩාව තුල සිටියා නම් මම තමා අද සුසන්තිකා වෙන්නේ කියන එක. මගෙන් පසුව තමා සුසන්තිකා ඔහු ලග පුහුණුවට පැමිණෙන්නේ.

බොහෝ දුරට දෙමාපියන් දරන මතය වන්නේ ක්‍රීඩාව  හා අධ්‍යාපනය දරුවන්ට සමබරව පවත්වාගෙන යා නොහැකියි කියන එක. ඒ හේතුව නිසා දෙමාපියන් දරුවන්ව ක්‍රීඩාවට යොමු කරන් නෑ. මේ දෙමාපියන්ට ඔබ දෙන පණිවිඩය මොකක්ද ?

ඔබ හරි . ගොඩක් දෙමාපියන් මූලිකත්වය දෙන්නේ අධ්‍යාපනයට. දරුවෙක් ක්‍රීඩාවට යොමු කරත් සාමාන්‍ය පෙළින් පසුව දරුවාව ක්‍රීඩාවෙන් ඉවත් කර ගන්නවා. ඒක බොහොම වැරදි. දරුවෙක් අංග සම්පූර්ණව වැඩෙන්න නම් ක්‍රීඩාව අත්‍යාවශ්‍යයි. ඒ පැතිකඩ වර්ධනය
කල යුතුයි. එයයි විය යුතු දේ.

අවසාන වශයෙන් ලංකාවේ අද ක්‍රීඩාව තිබෙන තත්වය පිළිබඳව ඔබගේ මතය කුමක්ද ?

ලංකාව තුල ඉන්නවා දක්ශ ක්‍රීඩකයින්. නමුත් ඔවුන්ට නිසි මග පෙන්වීමක් නෑ, ඔවුන්ට සහය වෙන්න,ඔවුන්ව ඉදිරියට යොමු කරන්න නිසි පුද්ගලයෙක් නෑ . එයයි ප්‍රධාන හේතුව අද ලංකාව තුල ක්‍රීඩාව මේ තත්වයේ පවතින්න .

ඒ වගේම අපේ ලංකාවේ ක්‍රිකට් වලට ලැබෙන සහයෝගය මලල ක්‍රීඩාවට ලැබෙන් නෑ. අපේ කාලයේ බොහෝ ක්‍රීඩකයින් බිහිවුණේ කොළඹ ආශ්‍රිතව  නමුත් දැන් ක්‍රීඩකයින් බිහිවන්නේ ගමෙන්. ඔවුන්ට අපට වඩා විශාල ශක්තියක් සහයෝගයක් ලැබිය යුතුයි. එවිට ලංකාවේ ක්‍රීඩාවේ තත්වය මෙයිට වඩා හොද වෙයි.

Read More
ශ්‍රී ලංකාවේ ක්‍රිකට් ක්‍රීඩාවට නැවුම් බලාපොරොත්තුවක්. මිනෝද් භානුක
February 18, 2020

ජීවිතය තුල සිදුවන අර්බුද, ඛේදවාචකයන් යම් අවස්ථා වල දී අපූරු විසදුම් වලට පාර පෙන්වනවා.
යම් පසුබෑමකට ලක් වෙලා තිබෙන ශ්‍රී ලංකාවේ ක්‍රිකට් ක්‍රීඩාවේ නැවුම් බලාපොරොත්තුවක් සමගයි අද අපගේ වැඩසටහන දිගහැරෙන්නේ.
ඔහු නමින් මිනෝද් භානුක.

මිනෝද්, ඔබගේ ක්‍රිකට් වල ආරම්භය කොහොමද?

මම මුලින්ම ඉගෙනුම ලැබුවේ කුරුණෑගල ජෝසෝ වාස් පාසලේ.  ඉන් පසුව එම පාසලේ සිටියදී කුරුණෑගල මලියදේව පාසලට මාව ගත්තා.
එතනින් පසුව තමා ක්‍රිකට් වලට මගේ ආගමනය සිදු වුනේ.

ඒ වගේම පොඩි කාලේ සිටම අසාවක් තිබ්බා ක්‍රිකට් ගැන. කවදාහරි ජාතික කණ්ඩායමට සෙල්ලම් කිරීමේ බලාපොරොත්තුවක් තිබ්බා.
ඉතින් මේ අවුරුද්දේ තමා ඒ බලාපොරොත්තුව ඉශ්ඨ උනේ.

මිනෝද්, යම් ක්‍රීඩකයකු  ජාතික කණ්ඩායමට තෝරා පත්කර ගැනීමට නම්  දක්ශතා පෙන්විය යුතුයි . ඒ සදහා ඔබ දක්වපු දක්ශතා මොනාද?

මුලින්ම 19න් පහල අවසාන අවුරුද්දේ මම ලකුණු 950ක් ලබා ගත්තා. ඉන් පසුව මම 19න් පහළ ජාතික කණ්ඩායමට තේරුණා.
ඉන් පසුව තමා මම තේරුම් ගත්තේ පියවරෙන් පියවර මේ ගමන මට යන්න පුලුවන් කියන බව.

19න් පහළ ලෝක කුසලානේ මතකයන් කතා කරොත් යමක්?

එම ලෝක කුසලාන තරගාවලියේදී ලකුණු අතරට මට එන්න පුලුවන් උනේ නෑ. මුල් තරග සෙල්ලම් කරන්න අවස්ථාව ලැබුණත්
මේ හේතුව නිසා අවසාන තරග සදහා මට අවස්ථාවක් ලැබුනේ නෑ.

ඉතින් ඉන් පසුව තමා මන් හොදම ආරම්භයක් ලබා ගන්නේ. පරාජයක් සිදු උනොත් මන් මොකක්ද කරන්න ඕනි කොහොමද මන් වැටුණු තැනින් නැගිටින්නෙ,
මම යම් කිසි පසුබෑමකට ලක් උනා නම්  එතනින් නැවත නැගිටින්න ඕනි මම ම නේද කියන හැගීමත් එක්ක නැවත ආරම්භයක් ලබා ගත්තා.

එතනින් පසුව තමා මම Club Season වලට සම්බන්ධ වෙලා ලකුණු රැස් කරලා පුහුණුවීම් කරලා තමා අද මේ තැනට ආවේ.

මෙම club matches වලදී ඔබ විසින් ත්‍රිත්ව ශතකයක් ලබා ගන්නවා එයින් ඔබ නැවත සියල්ලන්ගේම අවධානය ලබා ගන්නවා එහෙම නේද?

ඔව්. මම මුලින්ම ක්‍රීඩා කලේ SSC ක්‍රීඩා සමාජයට. එහිදී  පලමු අවුරුද්දේ මම තරග දෙකයි ක්‍රීඩා කරේ. එම තරග දෙකෙනුත්
දෙවන තරගයේදී ලකුණු 114ක් ලබා ගත්තා.

ඉන්පසුව අවුරුද්දේ මම ක්‍රීඩා කරලා ලකුණු 901ක් ලබා ගත්තා.

එම අවුරුද්දේ තමා මම ත්‍රිත්ව ශතකයක් හා ලකුණු  342ක් ලබා ගත්තේ. එය තමා SSC ක්‍රීඩා සමාජේ තනි ක්‍රීඩකයෙක් විසින් ලබා ගත්
වැඩිම ලකුණු සංඛ්‍යාව ලෙස දැනට තියෙන්නේ.

ඉන්පසුව තමා imagine scode මුලින්ම ක්‍රීඩා කරලා ලකුණු අතර ආවට පස්සේ  ශ්‍රී ලංකා A  කණ්ඩායමට  කතා කරා. A කණ්ඩායමට  අවුරුදු  3ක් විතර ක්‍රීඩා කරා.
ඉන් පසුව අවුරුදු 4ක් SSC එකේ ක්‍රීඩා කරලා ගිය අවුරුද්දේ මම CCC කණ්ඩායමට ක්‍රීඩා කරන්න ගියා. එහිදි ද්විත්ව ශතකයක් සමග ලකුණු 780ක් ලබා ගත්තා.

මිනෝද් ජාතික කණ්ඩායමේ කඩුලු රැකීමේ අවස්තාව ලබා ගැනීමට ලොකු තරගකාරිත්වයක් තිබෙනවා.
මේ තරගකරිත්වය  හා ඒ සදහා ඔබට කල හැකි දේ ඔබ දකින්නේ කොහොමද ?

දැනට ජාතික කණ්ඩායම තුල සිටින්නෙ ඉතාමත් හොද කඩුලු රකින්නන්. මමත් ආසයි එම තත්වයට එන්න. ඒ සදහා මන් ඉතා හොදින් පුහුණුවීම් සිදු කරනවා.

ප්‍රසන්න ජයවර්ධන අයියා එක්ක තමා මන් පුහුණුවීම් කටයුතු කරන්නේ. ඔහු හැම මොහොතකම කියන්නෙ ඔබ ඔබව විශ්වාස කරන්න.
එලෙසම ක්‍රීඩා කරන අවස්ථාවේ තරගය තුල ඉන්න. පූර්ණ අවධානය තරගයට යොමු කල යුතුයි කියන එක .

ක්‍රීඩා ලෝකයේ අලුතින් බිහිවන ඕනෑම ක්‍රීඩකයෙක් තමන්ට පෙර පරම්පරාවක සිටි තමන් ආස කරන,අනුකරණය කරන
මම දවසක මේ ක්‍රීඩකයා වෙනවා කියන ක්‍රීඩකයෙක් ඉන්නවා. ඔබගේ ඒ තැන ඉන්න  ක්‍රීඩකයා කවුද?

ආසම කඩුලු රකින්නා Brad Haddin. ඔහුගේ භාවිතවන තාක්ශණය එක්ක ඔක්කොමත් එක්ක ඔහුට ආසයි.

කඩුලු රකින්නන් අතරින් අතරින් ආසම පිතිකරුවා කව්ද?
කුමාර් සංඝක්කාර

මිනෝද් සාමාන්‍ය ක්‍රීඩකයකු ලෙස නොව ක්‍රිකට් ක්‍රිඩකයෙක් ලෙස ජාතික කණඩායම නියෝජනය කිරීම ම  නොව
ඉන් ඔබ්බට ඔබගේ  තිබෙන ලොකුම බලාපොරොත්තුව කුමක්ද?

යම් දිනෙක ක්‍රිකට් ක්‍රීඩාවෙන් මම සමුගන්න දවස වෙනකොට,වගේම මන් වයසට ගිය කාලෙක ලංකාව තුලට සීමා නොවී ලෝකය තුල මිනිස්සු මිනෝද් භානුක කියන නම හරි ක්‍රීඩකයකු විදියට දකින ලෝකයාම ගරු කරන නමක් බවට පත්වෙන විදියට කටයුතු කරන්න ආසයි.

ක්‍රීඩකයෙක් කියලා කියන්නේ බොහෝ විට ලෝකය තුල කතා බහට ලක්වන චරිත. එහෙම චරිතයක් බවට පත්වෙන්න නම්
දක්ශතාවය සමග අපට විවිධ අයගෙන් ලැබෙන සහයෝගය විශාල හයියක් වන අවස්තා තිබෙනවා. මෙතෙක් දුර ආ ඔබගේ
මේ ගමනේ ඔබට සහය උනු අය ගැන මතක් කරොත්?

මුලින්ම මතක් කරන්න ඕනි,පිං දෙන්න ඕනි මගේ අම්මටයි,තාත්තටයි. ඒ දෙන්නා නිසා තමා මන් අද මෙතන ඉන්නේ.
ඒ වගේම මාව මලියදේව පාසලට ඇතුලත් කරන්න උදව් කරපු අනිල් සර්.

ඒ වගේම දීරසුවි සර් ඔහු තමා මාව වයස අවුරුදු 13න් පහළදී මාව භාර ගත්තේ. විශේෂයෙන් ම මතක් කරන්න ඕනි බුද්ධික ඇල්ලේපොළ මහතා.
ඔහු තමා ගොඩක්ම ඔලුව හැදුවේ කරන්න ඕනි මොකක්ද කියන එක පෙන්වලා දුන්නේ. එම අවුරුද්දේ මම ක්‍රීඩා කරලා ලකුණු 940ක් ලබා ගත්තා.

එලෙසම නම් වශයෙන් සදහන් නොකලත් වචනයකින් හෝ උදව් කරපු සියලු දෙනාට ස්තූතිවන්ත වෙන්න ඕනි.

Read More
පිට්ටනියේදී යාලුවට උදව් කරන්න ගිහින් අවසානයේ ඔලිම්පික් ගිය ජාතික ශුරයා
October 16, 2019

සමාජයේ ඇස නොගැටෙන දක්ෂ තරුණ ක්‍රීඩක ක්‍රීඩිකාවන් පිරිසක් රටට හදුන්වා දීම උදෙසා Crysbro Next Champ ගෙන යන වැඩසටහනේ තවත් එක් අංගයක් තමයි ජාතික හා ජාත්‍යන්තර වශයෙන් රටට කීර්තියක් අත් කර දුන් ක්‍රීඩක ක්‍රීඩිකාවන්ගේ අත්දැකීම් ඔබත් සමග බෙදාගැනීම ඔවුන් ලබාගත් ඒ අත්දැකීම් අනාගතයේ ක්‍රීඩා ලොව භාරගැනීමට සිටින නවකයන්ට මනා පිටු වහලක් වේ යයි අපි විශ්වාස කරනවා.

ඉතින් අද අපත් සමග එකතු වන්නේ හෙල්ල විසි කිරීමේ ජාතික ශුර සුමේධ රණසිංහ

Read More
Categories
Latest Posts